《幻愛》8月28再上映

《叔叔》8月28再上映

《金都》8月28再上映

《死因無可疑》8月28再上映

再上映港產片 - 《幻愛》、《叔叔》、《金都》、《死因無可疑》

呢四部港產片其實已經分別於5、6、7月上映，不幸地於映期期間撞著戲院再次關閉，其中7月2號上映，口碑極好嘅《幻愛》更加只係上咗十令日就要暫停。今次戲院重開，四部都有排期上映，未睇嘅大家又有多次機會！

《屍殺半島》8月28上映

《嚇房》8月28上映

《鬥地主》8月28上映

《吞上癮》8月28上映

《憤怒狂徒》8月28上映

28號有得睇 - 《屍殺半島》、《嚇房》、《鬥地主》、《吞上癮》、《憤怒狂逃》

韓國電影《屍殺半島》早前已經於台灣等地上映，亦一早講到明香港戲院幾時開，佢就幾時上，結果成功搶到重開後嘅頭啖湯，成為28日有得睇嘅電影中最出名、亦可能係最多人會揀嘅一部。另外仲有由Olga Kurylenko主演，講述一對年輕夫婦遇到一間「有求必應房」嘅驚慄片《嚇房》、由Andrew Garfield主演，講述美國次貸危機影響嘅《鬥地主》，以及講述一名患上吞食廦嘅年輕孕婦故事嘅心理驚慄片《吞上癮》。

特別要提提荷蘭電影《憤怒狂徒》，同接下來嘅《爆怒時速》都係以公路遇到癲佬為主題，大家認清楚。

《新異變人》9月3日上映

《TENET 天能》9月10上映

《爆怒時速》9月上映

荷里活大作 - 《新異變人》、《TENET 天能》、《爆怒時速》

來自Marvel 《X-Men》宇宙嘅外傳電影，9月3日上映嘅《新異變人》集合多名新世代演員，包括《分裂》嘅Anya Taylor-Joy、《Game of Thrones》嘅Maisie Williams、《Stranger Things》嘅Charlie Heaton等等，風格比一般超級英雄電影偏黑曙懸疑。

至於9月10日上映嘅《TENET 天能》，相信係大家期待戲院儘快重開嘅最主要原因，亦都冇咩好介紹，唯一要講嘅就係映期定咗9月10日——希望戲院到時唔會又被人封咗…

而由Russell Crowe主演嘅《爆怒時速》，就預計會於9月上映，確實映期未定。