每個男人都一定鍾意睇動畫，而每個睇動畫嘅男仔都一定迷上過某個女角！而縱觀日本動畫史上眾多女角，日本網民覺得邊個先係最性感嘅？網站「Ranking.goo」就做咗個票選，第一名相信香港嘅讀者應該估唔到！

網絡圖片

Ranking.goo於今年6月嘅一個星期內接收咗大約3,700張問卷回覆，得出嘅最性感動畫女角色第一名，係來自《魯邦三世》嘅峰不二子，而且係大幅拋離第二位而發上第一。特別要留意嘅係，峰不二子呢個角色面世已經超過50年，雖然不同時代嘅作品都會有不同面貌，但能夠50年內都Keep到咁性感嘅形象，可見峰不二子於日本人心目中嘅性感地位有幾崇高。

伊莉娜·葉拉維琪

巴麻美

網絡圖片

第二及第三位就來自相對新嘅作品，分別為《暗殺教室》嘅短裙巨乳殺手伊莉娜·葉拉維琪、以及《魔法少女小圓》中成為唔少人陰影嘅巴麻美學姐，兩者都係以上圍豐滿著稱，但前者走誘惑力著稱，後者就係成熟溫柔而聞名。

鮎川圓

阿琳

娜美

網絡圖片

另外四至十位中，亦包括來自《One Piece》嘅娜美 (第8) 及女帝漢庫克 (第5)，亦有經典作品《城市獵人》中嘅冴子 (第7) 及《山T女福星》嘅「阿琳」(第6)，第9及第10名就分別由《甜心戰士》嘅「如月甜心」及《銀魂》嘅月詠佔據。特別值得一提嘅係，成個榜單唯一一個來自戀愛作品嘅，就係排名第四嘅《橙路》「鮎川圓」。