{ SKIP }
文:MenClub 魏文青  
POSTED ON 16 Nov 2020

疫情第N波又開始,又只可以4個人同檯食飯、落球場打波又話要戴返口罩,其他大型活動睇黎都唔使搞——但國際奧委會會長Thomas Bach近日就實牙實齒、截釘截鐵咁話,「奧運會」呢個地球上其中一個最大型、聚集最多人嘅活動,出年一定會搞得成、而且一定會有現場觀眾!

據《BBC》報導,Thomas Bach近日飛去咗去日本,與日本首相菅義偉、東京奧組委主席武藤敏郎、日本奧運相橋本聖子等人會面,商討如何確保已經延期一年嘅東京奧運能夠順利舉行。事後接受傳媒訪問時Thomas Bach就話「我哋會將所有想像得到嘅措施都放哂入黎,所以我哋非常、非常有信心下年奧運能夠有現場觀眾入場。」另外BThomas Bach亦有提到會「如果到時疫苗已經面世,運動員同觀眾都必須打咗先可以去日本」。

圖片:Wikipeida

聽落去,所有參加奧運嘅人都要注射疫苗,理應係個唔錯嘅辦法,但實際執行就相當有困難。先唔好講目前最有機會成功嘅輝瑞疫苗亦未進入量產階段,就算量產咗都係全球一齊爭,再加上物流問題 (要保存於-70度以下),要所有觀眾都打過疫苗先可以去日本入場睇奧運,似乎就有啲太過樂觀。不過BBC同時亦引述多位東京奧組委成員,指「不計成本」下年東京奧運都一定要搞得成。或者日本方面會搞個「睇奧運送疫苗」嘅優惠?

資料來源:BBC
最近C朗(Cristiano Ronaldo)接受西班牙傳媒訪問時,自信爆棚地表示自己係史上最佳足球員,引起網民熱烈討論。不過,另一位朗拿度「大哨」就唔多同意,表示C朗雖然係歷史上前十球員之一,但同第一名仲有好大距離, ...
sports
【足球】C朗自稱歷史上最佳足球員 大哨:不同意,但他確實是足球史上Top10
27 Feb 2025
對於唔少外國觀眾黎講,成龍就係代表中國嘅國際場動作巨星;但對於香港人黎講,除咗演藝事業之外,成龍嘅「代言魔咒」亦相當有名。而近日外國媒體亦開始報導呢個「成龍魔咒」,原因係佢日前現身澳網男女單決賽,而無 ...
sports
【澳網】「東方神秘力量」入侵澳網 男女單決賽輸家都同成龍握過手
28 Jan 2025