今個月23日《Eva》劇場版《新・福音戰士劇場版 :│▌》將會喺日本上映，今日官方公怖多款限量周邊商品同場刊，部份商品更會從1月8日起提前出售，如果大家有興趣又有朋友喺日本，記得密切留意！

當中最誇張嘅莫過於係初號機手臀飲料架，足足成40cm長，仲型仔過無限手套，戴住拎汽氣入場絕對會成為眾人焦點，就算唔戴住都可以直立擺放當成擺設。

如果覺得初號機手套太大，仲有總共有80頁嘅全彩場刊，裏面收錄咗今次劇場版資料同工作人員訪談。

唔夠喉嘅話仲有其他商品，按時喺EVA STORE及戲院發售，包括文具、記念T-SHIRT、掛飾同其他生活用品。

戲院同時有套票發售，包含特別包裝爆谷及汽水，仲有三種唔同顏色及設計嘅彷真皮杯套，分別刻有NERV Logo、初號機同二號機圖案。

至於香港方面，戲院都唔知幾時會開返，亦未知幾時會上映。希望到時疫情好轉，喺香港上映嗰陣都可以有周邊可以買，等各位EVA迷有機會收藏。