香港人唔少都好鍾意飲咖啡，就算留喺屋企唔使番工嘅時候都會想歎番杯。但耐何自己又唔係專業咖啡師，屋企部Capsule咖啡機又只係「罐頭式」沖泡，滿足唔到每個人獨特嘅口味，咁呢部Morning Machine可能就幫到你。

Morning Machine內置Wi-Fi，可以通過無線方式隨時更新軟件，可與Morning嘅手機App連接，用家可從中瀏覽由合作烘焙商所創建嘅各種咖啡配方，咁留喺屋企都可以舒舒服服炮製好似咖啡店一樣嘅精品咖啡。更重要嘅係，佢可以喺App上定製屬於你自己個人嘅沖泡咖啡配方，完美咁沖出你想要嘅咖啡。

特點：

1. 內置秤重電子磅

以體積重量取代容量測量，能大大提升沖泡咖啡嘅精確度。咁就唔使再以目測估計濃縮咖啡同奶泡嘅比例

2. PID溫度控制技術

咖啡是一種複雜敏銳卻令人著迷嘅飲品，除咖啡豆之外，「溫度」就係一杯咖啡嘅靈魂，因為佢會影響成品嘅果漾芬芳及風味層次。沖泡溫度會影響咖啡萃取率，較高嘅溫度會產生較高嘅甘苦及甜味，而較低嘅沖煮水溫則會帶出更高酸度。廣泛認可嘅濃縮咖啡最佳沖泡溫度為90-96°C，但目前市場上嘅咖啡機沖泡溫度最高只能達到86°C。PID溫度控制技術，可將沖泡咖啡粉囊過程嘅溫度設置為65-98°C或最適合沖泡茶粉囊嘅65-80°C，咁用戶就可以根據自己嘅口味控制溫度。 

3. 壓力曲線功能

壓力曲線係指萃取過程入面，咖啡機將水擠壓到咖啡粉餅中嘅壓力變化。而Morning Machine允許用戶在預浸、沖泡以及萃取過程中均可調教理想嘅壓力曲線，精確控制沖煮水嘅流量，從而沖泡出一杯個性化咖啡。