高爾夫球呢項運動，可能唔少人都被植根左係一項有錢人先玩，唔係普通人應該玩嘅運動。但其實玩哥爾夫球嘅門檻並無你想像中咁高，可以話係普通人都可以玩嘅運動。

好似健身咁，有啲人會喺街免費自己玩，有啲人會去政府健身室，有啲人會去更齊全嘅Gym Room健身，而高爾夫球亦都一樣，有高級有貼地，任君選擇。

而近日喺銅鑼灣就有一間全天候24小時運作嘅BAY247全自動式室內高爾夫球模擬器設備，係目前全港唯一及第一個呢類型嘅高爾夫練習場地，無論咩年齡及水平嘅球手，都可以任何時間不論天氣如何都可以進行高爾夫球練習。

BAY247採用美國 Foresight GCQuad 器材，最頂尖嘅高爾夫科技令你可以無間斷進行最真賽嘅體驗，同時器才會為你進行數據分析，例如發球及揮杆嘅數據，從而比你作參考進行技術改善。

如果你只係初學，BAY247亦都可以為你提供教練，並進行一對一或團體嘅技術指導，其中包括PGA級別嘅職業球手，絕對可以有效提升你嘅技術。就算唔係想成為一等一高手，你都可以參與呢項運動，從中發掘高爾夫的趣味。