有時候人就係想咩都有得揀，所以Food Court同自助餐就誕生左。不過有時候大就唔一定好嘅，有時候細細地其實反而岩岩好，好似近日喺中環開幕嘅全天候餐飲場所 - Graham St Food Hall (GSFH)可能會岩你。

身處中環NoHo區，GSFH由La Viña及Smoke & Barrels背後嘅專業團隊主理，當中嘅美食黎自世界各地，從日式漢堡丼飯至西班牙聖塞瓦斯蒂安嘅巴斯克烤芝士蛋糕，唔同餐唔同款式，可以話應有盡有。

就咁睇你可能以為GSFH係一間餐廳，因為內裡空間並唔算大，但當你細心留意卻可以發現當中有5個風格唔同嘅美食供應商，令你總會搵到你鍾意嘅野食同飲品。

於GSFH其中獨家營業嘅Hambāgā供應高級日式漢堡牛排丼飯，全程根據客人口味度身定話：客人先從五款不同類別主菜揀選心頭好，當中包括USDA牛肉或杜洛克豚肉等，然後決定配搭以日本蛋製作嘅炒蛋或太陽蛋，之後從四款醬汁中揀選一款，當中包括以自家食譜製作嘅咖哩，同時丼飯均配白飯及蔬菜，簡單而美味嘅日式「Comfort Food」你可以輕鬆食到。

而美國風嘅Smoke＆Barrels，則提供超正嘅三文治，當中嘅配料包括自家製煙燻肉：牛腩 / 意大利肉腸 / 煙燻排骨 / 煙燻雞肉，加埋獨家醬汁真係無得頂。

薄餅深得唔少人嘅喜愛，Motown Pizza & Wings就係香港首間供應底特牛厚批Pizza嘅品牌，皮脆料多，真係一試難此。同樣佢地嘅雞翼亦都相當出色，真係會食到停唔到口。

食完主食又點少得甜品，其中La Viña嘅招牌就係巴斯克芝士蛋糕，充滿西班牙聖塞瓦斯蒂安的地道風味，當然仲有其他好似牛角包、曲奇、蛋糕等美點。

最後就係西班牙朱古力大師級品牌Casa Cacao，作為著名米芝蓮三星級餐廳El Celler de Can Roca旗下嘅朱古力品牌，同時由蜚聲國際的甜點大師Jordi Roca營運，無論邊一款朱古力都係最頂級，獨食或送禮都無可挑剔。