HBO原創喜劇《色慾都市》（Sex and the City）唔經唔覺已經推出23年，而近日劇集宣佈將推出續集《And Just Like That...》。而HBO擁有人華納兄弟今次就聯同Airbnb，聯手推出獨家體驗，令一眾劇集嘅Fans可以親身入住主角 Carrie Bradshaw 位於紐約嘅單身公寓！

今次活動將令作為Fans嘅你，有機會親自走入劇中場景朝聖，好似「時尚教主」掛滿至朝衣物嘅衣櫃，又可以感受曼哈頓區嘅浪漫氣息。而飾演主角嘅Sarah Jessica Parker亦將會代身Airbnb 房東，與你重溫《色慾都市》入面每一集發人深省嘅開場白。

而除左有機會入住主角嘅住所之外，你亦有機會享受多項體驗，好似喺雀兒喜區（Chelsea）享用早午餐及時尚拍攝活動，閒暇時間又可以品嚐大都會雞尾酒等等。其中你將可以試穿 Carrie 嘅經典時尚服飾，重現佢嘅最愛造型，當然仲有佢各式各樣嘅鞋，如果你女朋友/老婆係《色慾都市》Fans嘅話就啱晒啦!

不過可惜如今仍然因為疫情關係唔可以周圍飛，唯有睇左當去左啦....