近日香港終於開始入冬，雖然轉涼但正正就係行山及露營最好嘅季節，而進行戶外活動就當然要有適合自己嘅裝備，今次就同大家介紹戶外專業品牌Garmin嘅4款腕錶系列。

若你是Hiking冒險家

因疫情關係，行山遠足已成為香港人嘅熱門活動，唔少Hiking達人鍾意挑戰高難度行山路線。而要越過崎嶇山徑需要足夠訓練及體力，作為陸上皇者嘅fēnix 6系列，內建30+種專為訓練而設嘅功能，包括三項鐵人、跑步、單車、登山健行等，啱晒Hiking達人進行訓練用！fēnix 6系列亦設身體能量指數功能，登山途中能以心率變異性（HRV）測定身體能量指數以提醒休息。

若你是Camping狂迷

兩日一夜露營行程，仲要諗為隻錶叉電就實在掃興！所以Instinct Solar系列就係一款電力持久嘅 GPS 智慧腕錶。錶殼為纖維強化聚合物，同時配備防刮Corning Gorilla玻璃及太陽能充電，只要日照充足，手錶電池效能基本上變為無上限，最大電量模式最多可達 70 小時！加上TracBack 功能，沿相同路線回到起點，咁就唔怕盪失路啦！

若你是越野潛行者

若果你係想逃離煩囂，於深山郊野不留痕跡享受一人之境，咁設有「潛行模式」嘅Tactix Delta就最啱啦！手錶依國際軍規標準MIL-STD-810G打造，配備Garmin獨創戰術功能，「潛行模式」於維持手錶運作之下，可停止儲存及分享你嘅GPS位置，並關閉無線連結通訊，更可開啟永久刪除資料功能、將使用者資料從裝置內徹底刪除。腕錶同時具備耐熱耐寒耐撞擊、防水抗腐蝕。

若你是行山健身達人

唔少健身達人都鍾意行山遠足，在郊野進行各種訓練，咁Venu 2 智能腕錶系列可能Fit到你。腕錶搭載顯色度格外鮮艷細膩嘅AMOLED動態螢幕，就算你喺大自然進行訓練，亦可以清晰閱讀訊息。而內置嘅 Garmin 螢幕動態指導動畫，將於錶面直接顯示模擬訓練動畫，內建多達25+室內外運動模式，隨時隨地都有教練陪你健身啦。