《男兒當入樽》最新動畫電影早前消息一出，無數《入樽》迷及籃球迷都反應熱烈，連帶作者井上雄彦開通IG後經常Share《入樽》圖片，令電影變得更加令人期待。

而早前最新嘅電影海報一出街，唔少人就估究竟兩隻手係邊個嘅呢? 其中帶住紅色護腕個隻手嘅唔少人都覺得係四眼哥哥木暮，而另一隻手就唔知係邊一個少年。不過井上日前就以一幅畫去回應大家嘅猜想。

在 Instagram 查看這則貼文

井上雄彦　INOUE Takehiko（@inouetake88）分享的貼文

井上最新嘅圖片就見到一個熟悉嘅身影，就係櫻木軍團之一嘅高宮望，而佢正跪坐並兩隻手對碰，右手更加係帶上紅色護腕，原來張電影海報入面嘅兩隻手係同一個人黎，而估佢唔到嘅係竟然係高宮望。當然啦，呢個相信應該係井上幽大家一默，相信最後大家會喺電影入面搵到答案。