香港人越來越多人標榜健康飲食習慣，因此越來越多餐廳都特別設計一系列健康菜單，以滿足一眾健康香港人。而同樣以健康為主題嘅概念餐廳Orka Café，日前正式登陸中環雲咸街，餐廳以專業營養師設計餐單，同時以有機飲品作主打，為繁忙嘅你提供健康美味、營養滿滿及價格親民嘅素食及非素食。

「Orka」瑞典文解作「能量」，餐廳希望所有食客用餐後都充滿能量，並藉此向大眾宣揚至關重要嘅健康餐飲理念 — 透過一系列可持續菜式嘅健康餐單，將林林總總超級食物及功能飲品以創新方式呈現。同時，Orka Café提倡五感體驗，將視覺、嗅覺、味覺、能量及社會責任納入其健康餐飲理念之中，除了由營養師精心設計多款餐單及菜式外，更貼心將主餐牌菜式分為素食及非素食選項，務求為要求唔同嘅你都有圓滿嘅餐飲體驗。

Orka Wellness共同創辦人Nobin John喜歡使用合乎社會責任嘅各式食材，佢同時亦都係咖啡愛好者，以及獲專業認證嘅功能醫學健康教練及營養專家。Orka嘅成立，係希望為香港都市人帶來獨一無二而休閒舒適嘅健康概念空間，讓更多人關注社會健康議題。比起直接強逼所有人即時改變固有飲食習慣，他更提倡以美食作為連結，逐步推動非素食者開始多菜少肉嘅習慣，減少碳足跡，實踐低碳綠色生活！

Orka Café主廚暨廚藝總監為Ching Tso，佢擁有多年入廚經驗，先後喺英國倫敦跟隨多位名廚工作，經深造後返回香港，重新加入米芝蓮星級大廚旗下廚師團隊中工作，並擔當要員之一。憑著對烹飪嘅熱情及可持續發展之健康食材嘅追求，他結合多年來烹調高級料理嘅經驗並帶到Orka，配合營養師協助，成功將健康餐飲理念注入其餐單之中。