相信一眾電腦遊戲玩家都唔會對「Steam」呢個平台感到陌生。而「Steam」嘅其中一個特色，就係容許玩家對遊戲留下評價，其實玩家就可以透過閱讀評價黎決定是否購買遊戲，算係一個頗有指標性而且相當客觀嘅評價方法。但近日有日本網民就發現，原來Steam上嘅日文玩家留下負評嘅比率非常高，於多個知名遊戲中都名列前矛甚至第一。唔通日本玩家真係特別奄尖？

《Armored Core VI》評價 日文負評率25%，扣除烏克蘭後世界第二

《Street Fighter 6》評價 負評率25%，扣除保加利亞後排第二

《Hogwarts Legacy》評價 負評率20%，世界第一

話說網上有第三方工具能夠整理出不同遊戲於Steam上嘅評價數據，並能夠按玩家語言作出細分。結果有日本網民發現，「日文玩家」於多個遊戲中嘅負評率都非常高。例如FromSoft新遊戲《Armored Core VI》嘅日文玩家負評率高達25%，扣除僅有5個評論嘅烏克蘭後，係繼簡體中文 (34%負評) 後負評率第二高嘅地區。另外如《Street Fighter 6》(日文負評率27%，全球排第二)、《Hogwarts Legacy》(負評20%，排第一)、《Elden Ring》(負評率29%，排第一) 等大作亦有同樣情況出現。

《Resident Evil 4》重製版 負評率8%，世界第一

《Elden Ring》負評率29%，世界第

但值得留意嘅係，由於以上數據係用「Steam使用語言」黎區分，唔排除有「非日本人用日文版Steam」嘅情況，所以未必所有日文負評都係來自真正嘅日本人；另外以上數據亦只係講緊「負評率」，如果只計「負評量」嘅話，始終係英文、簡體中文等較多人使用嘅語言佔多數。

而日本網民就表示，「日本人就係咁」、「日本人的確非常嚴格，但有趣嘅係日本媒體嘅評分就相當寬鬆」；亦有人表示自己通常只有在生氣時先有發表評論嘅衝動，如果唔係就直頭唔會留下評價，可能解釋到負評率較高嘅情況。

資料來源：otakomu