最近日清專為遊戲玩家推出「日清電競杯麵-能量黑胡椒大蒜炒麵」及「日清電競咖哩-能量薑汁肉末咖哩」兩款新品，其特點在於無湯汁及含有咖啡因、精氨酸、菸酸等提神成份，以防打翻杯麵時會整污糟電競設備，同時又能夠補充體力，啱晒半夜打機時食用。

除此之外，包裝方面亦別具心思，用上全黑底色配上五光十色嘅字體模仿RGB風格，令整體更加似一件「電競產品」，彷彿食完之後打機都勁啲。

「日清電競杯麵」及「日清電競咖哩」售價分別為280日元（約HK$14.9）及298 日元（約HK$15.9），唔知香港幾時會唔會引進呢？