{ SKIP }
文:MenClub 魏文青  
POSTED ON 24 Apr 2025

(劇透警告!)

改編自同名遊戲嘅HBO《The Last of Us》第二季早前開播,正當大家以為製作人不停話「太多嘢要講要拍到第三季」代表深受大家喜愛嘅Joel(Pedro Pascal飾)能夠陪大家多一陣時,著名嘅「喬爾夫球」劇情卻於第二季第二集「如期以至」,震撼觀眾之餘亦令第二季評分暴跌。但另一邊廂,Pedro Pascal接受媒體訪問時就笑談「喬爾夫球」拍攝經過,仲話「我要開始打高爾夫啦」。

為防有人對《The Last of Us》劇情唔太熟悉,所以先讓我簡單講述一下背景知識。《The Last of Us》劇集第二季主要採用遊戲第二集《The Last of Us 2》嘅劇情改編而成。而遊戲中最受爭論嘅一點,在於深受大家喜愛嘅上集主角「喬爾(Joel)」(劇集中由Pedro Pascal飾演)於故事早段救咗新角色Abby(劇集中由Kaitlyn Dever飾演)後,被對方以槍制服再用高爾夫球棍爆頭而死(玩家將此戲稱為「喬爾夫球」)。縱然Abby有充份嘅理由(佢爸爸於上集/上季被Joel殺死),但由於Joel死得太過突然而且窩囊而引發玩家不滿。後續更引發一連串針對遊戲當中嘅DEI(多元、平等、包容)內容嘅批評。

而黎到劇集,雖然大家都有哂心理準備「喬爾夫球」劇情會繼續出現,但Joel於第二集早早領便當依然令人感到驚訝,唔少人更湧入Rotten Tomatoes網站留下負評。

《The Last of Us》第二季目前評分

Kaitlyn Dever飾演Abby

但「當事人」Pedro Pascal似乎就相當輕鬆。早前佢接受《Entertainment Weekly》訪問時提到拍攝「喬爾夫球」時嘅經過,表示自己經過第一季後,與劇集台前幕後都建立起深厚感情,所以拍攝角色死亡劇情時不免有啲傷感。但佢同時亦自嘲過去飾演嘅角色經常會被殺,「我成日死㗎啦。我鍾意死。」

而由於都係「被暴力爆頭」而死,所以訪問中亦提到佢於《Game of Throne》中飾演嘅Oberyn Martell一角,仲被問到佢鍾意邊個角色嘅死法多啲。對此Pedro Pascal嘅回答係:「咁我覺得呢個(Joel)最好…唔係喎,可能有得爭喎,應該有。我鍾意高爾夫球棍,我諗我要開始打高爾夫啦。」

資料來源:winteriscoming.net

最近LEGO推出咗一款Game Boy積木模型,以近乎1:1比例還原初代Game Boy機身,而且全部掣都真係可以撳落去,已經相當令人驚喜。不過,澳洲一位擅長電路設師嘅女機迷,更將呢個模型改裝成一部真係可以玩嘅遊戲機,而且 ...
hobby
【玩物】LEGO Game Boy模型變真機!澳洲女機迷改裝成可玩版本
03 Oct 2025
繼超長單行鍵盤、茶杯鍵盤、雙面鍵盤後,日本Google旗下嘅Gboard團隊又有新搞作!今次佢哋顛覆咗傳統輸入文字需要「按壓」嘅概念,以舊式撥輪電話為靈感,創作出一款撥輪式鍵盤。 iframe width="560" height="315 ...
hobby
【奇趣】撥個輪打字!日本Google團隊推出撥輪式鍵盤
03 Oct 2025