用「露出度很高」嚟形容仔仔，對MenClub巴打而言呢個標題應該冇咩吸引力，但如果你係《幽遊白書》藏馬嘅忠粉，又會唔會係另一個講法先？

雖然《幽遊白書》係廿幾年前嘅作品，但而家睇返都一樣勁好睇，Mean娜前排先再重煲多次，真心覺得抵佢做經典，一睇就完全停唔到落嚟！加上有Mean娜大愛嘅藏馬，絕對沒有不J的理由！不過根據一路以嚟嘅人氣調查，大部分仔仔都鍾意飛影，唔知喺MenClub又有冇藏馬同好者呢？如果有，咁你一定要留意UNION CREATIVE為慶祝出年《幽遊白書》動畫推出25周年，預定喺出年6月將發售重現漫畫完全版第10集封面嘅藏馬同妖狐Figure！你見唔見呢兩個造型露咗幾多肉肉？？真係睇見都興奮！<3

登登！實物勁靚囉唔該！！雖然佢兩個係一體，但實際上兩個Figure係分開發售，如果唔係 UNION CREATIVE又點賺你多啲錢先？科科。

頂！好明顯就係因為妖狐露出度更所以要加錢啦！你見唔見啲腹肌！真係好好J！我都想即刻訂返個放Office日對夜對！hehe<3