疫情期間冇得飛、連街都冇乜點出，日日屈喺屋企其實都真係幾辛苦。所以好多人就選擇預訂本地酒店黎一次「Staycation」，同家人或朋友過返啲輕鬆嘅時間！以下就為大家搜羅咗幾個本地酒店最新「Staycation」優惠，希望幫到大家啦下！

康得思酒店 - 改名5週年餐飲水療優惠

原「朗豪酒店」於5年前8月底改成依家嘅「康得思酒店」，而為咗紀念改名5週年，康得思酒店就於8月尾 (26至31日) 推出一系列優惠。當中包括以HK$900優惠價預訂高級客房或HK$1,250預訂三人家庭客房，並專享免費升級客房。仲可以喺五大特色體驗，包括「明閣明酒窖品酒班 (附送品酒手冊)」、「自助藝術導賞團」、「迎賓果盤」、「池畔太極班 (地點或有改動)」及「 『川』水療中心常規療程7折優惠」中揀一個

預訂：康得思酒店

香格里拉 - 食咗先講

香格里拉集團旗下三間酒店 (港島香格里拉、九龍香格里拉及嘉里酒店) 就主打美食。首先就係「住宿連自助餐計劃」，亦即優惠房價包埋早餐及雙人自助晚餐，據新聞稿講，個自助餐仲喺房入面食嘅添，夠哂私癮。但要留意嘅係三間酒店嘅優惠房間不同 (港島香格里拉HK$1,800起，九龍香格里拉HK$1,300起，嘉里酒店HK$1,350起)。

如果想再食得好啲，就有「城中美饌假期」，只限港島香格里拉及九龍香格里拉，Book一晚房就可以於房內享用埋米芝蓮星級餐廳「珀翠餐廳」或「夏宮中菜廳」 (港島香格里拉)，又或者「香宮中菜廳」 (九龍香格里拉) 總廚們設計嘅晚餐。亦可以使用「豪華閣貴賓室」食下早餐、茶點、Cocktail、小食等。(港島香格里拉房價HK$2,600起，九龍香格里拉房價HK$2,000起)。

預訂：港島香格里拉、九龍香格里拉及嘉里酒店

Eaton HK - 與毛孩同樂

而值得大家大力支持嘅Eaton HK，亦推出「「毛孩宿一宵」套餐，顧名思義就係容許主人帶埋狗狗一齊去住酒店嘅「逸.尚」或「逸.尊」客房 (房價由HK$1,500起)，酒店更會提供寵物犬飲用水器皿、狗隻玩具及零食、排泄物專用處理袋和狗隻專用睡床等，主人同毛孩就可以一齊享受價期。

另外套餐亦包房內雙人早餐，仲可可延遲退房時間至下午兩點。

預訂：https://bit.ly/349RwPB