{ SKIP }
文:MenClub 魏文青  
POSTED ON 16 Aug 2021

「瞓覺」係人類每日必需,但對好多人黎講,「瞓個好覺」就唔係一件必然嘅事。都市人嘅睡眠質素問題,甚至衍生出一個龐大市場,坊間亦有眼罩、補充劑、CBD等各式各樣嘅助眠產品。不過日本小林製藥就推出咗一樣頗為「奇怪」嘅助眠產品,就係「發熱耳塞」。

日本小林製藥以往都推出過唔少助眠產品,例如發熱眼罩、防止打鼻鼾嘅呼吸貼之類,而最新推出嘅「發熱耳塞」,顧名思義就係一個識發熱嘅耳塞,亦係史上第一個同類產品。日本小林製藥並無真正交代點解一個發熱耳塞能夠幫助入眠,但反正呢個能暖住對耳仔,又能夠隔絕嘈音嘅新產品,喺初期測試時就大受歡迎,今日宣佈會於今個星期 (喺日本) 推出時亦喺Twitter獲得好多人支持。

實物係咁樣嘅

小林製藥指耳塞嘅溫度只係「暖暖地」,而且只係發熱20分鐘,所以唔怕會瞓瞓下熱醒,就算夏天都一樣適用。不過佢亦提醒用家要考慮到聽唔到鬧鐘嘅問題。

資料來源:Oricon
近年威士忌愛好者不斷追求超高年份嘅威士忌,有見及此,蘇格蘭威士忌品牌格蘭利威(The Glenlivet)日前宣布推出一款陳年55年的限量版單一麥芽威士忌,亦係品牌新開創嘅超高年份威士忌「永恆系列」嘅首款作品,隨後 ...
watchesandwine
【佳釀】格蘭利威推出55年威士忌 開創「永恆系列」
27 Sep 2024
為慶祝美國時間9月26日「The Last of Us Day」(遊戲中嘅疫情爆發日),HBO今日正式公開第二季前導預告,唔知Joel嘅結局會否跟足原著呢?
hobby
【影視】《The Last of Us》第二季公開前導預告及角色海報
27 Sep 2024