熱刺與車路士嘅聯賽對陣，亦都係摩帥與林伯特嘅師徒對決，最終新手教練林伯嘅車仔以2:0完勝摩佬嘅熱刺，而比賽中熱刺球員孫興慜因報復性嘅動作被球證紅牌罰出場，亦成為賽後熱話之一。

比賽戰至62分鐘，當時熱刺已經落後緊兩球，而呢個時候孫興慜與車仔球員魯迪格相撞並倒地，前者竟然黎一個回馬槍，明顯以雙腳報復性地撐向魯迪格心口，後者被踢後痛苦倒地。其後球證經過VAR回放片段後，最終以紅牌即時驅逐孫興慜離場。

賽後熱刺領隊摩連奴確認，將會為孫興慜嘅紅牌作出上訴，佢認為如果孫興慜停賽將會造成熱刺巨大嘅損失。目前孫興慜因為直接紅牌，因此將至少被停賽三場，而熱刺如果真係上訴嘅話，咁樣英足總調查後有機會判得更重，屆時孫興慜最多可能會被罰停賽6場。

其實今屆孫興慜已經唔係第一次食紅牌，上次面對愛華頓嘅時候佢鏟斷左對手高美斯隻腳，所以被罰紅牌出場，當時嘅佢顯示得相當後悔，但今場可以睇到佢報復性嘅行為，所以究竟面對愛華頓時被罰紅牌係真心後悔定扮野呢，就真係佢本人先知啦。