繼巴黎聖日耳門以3:0擊敗萊比錫後，拜仁慕尼黑昨晚亦都以同樣比分擊敗黑馬里昂，殺入歐聯決賽，將於數日後會師爭奪最後冠軍寶座。

今場拜仁雖然看似係一場大勝，但其實開賽初段里昂有好大機會可以領先，但始終未能成功爭取入球，反觀拜仁把握力強，終憑住基拿比哥列斯卡分別於18及33分鐘連入兩球，最後再由利雲杜夫斯基於88分鐘埋尾，終以3:0大勝對手。

相隔7年，拜仁終於再一次殺入歐聯決賽，當年(2013年)拜仁擊敗由高普帶領嘅多蒙特，成為三冠王。而今年拜仁同樣已經先後奪得德甲及德國盃，所以將再有機會挑戰三冠王寶座。另一邊廂嘅聖日耳門，則已經分別奪得法甲、法國盃、法國聯賽盃冠軍，所以如果佢地奪冠嘅話則更加會成為四冠王！

BREAKING: Bayern Munich beat Lyon 3-0 to set up a #UCL final with PSG

— Sky Sports News (@SkySportsNews) August 19, 2020

不過呢場歐聯決賽可能相對失色，因為聖日耳門主力尼馬，上場贏波後與對方球員交換波衫，此舉違反歐洲足協防疫規定，隨時被停實，如果係咁聖日耳門實力必定大減，觀賞程度亦會大跌。