令人有批判思考嘅學生課程，某D地方見唔岩心水就會拎走；而某D地方見到自己嘅國民努力奮鬥而有驕人成績，則會將其放入學生課程當中，請緊嘅就係非洲國家 - 埃及。

埃及擁有一位可能係目前世界最出色嘅足球員，佢就係現時效力利物浦嘅沙拿。今季沙拿表現回勇，入球停不了，而加上佢曾協助利物浦贏得歐冠盃冠軍及歷史第一座英超冠軍，令埃及教育局決定將呢位「國家英雄」嘅事跡載入教科書當中。

沙拿被加入至教科書嘅除左佢本身嘅個人事跡之外，亦有加插佢同愛女嘅圖片，令一眾埃及年輕人都能夠全面了解呢位英雄。

其實睇番現年29歲嘅沙拿，佢並唔似美斯或C朗好早就被睇中，成為足球世界嘅中心，相反佢嘅起步非常唔起眼，就算第一次加盟歐洲大球會之一嘅車路士，亦被投閒置散，以及被外借再外借，最終黎到利物浦終於大爆發，而今季英超9戰攻入10球穩坐射手榜榜首，效率實在非常驚人，相信埃及當局黎緊都要Keep住更新沙拿嘅事跡啦，因為相信佢會不斷刷新自己嘅紀錄。