留意返，係利物浦同曼城嘅榜首大戰之前，阿諾仲係著緊前贊助商 Under Armour 為佢準備嘅足球鞋，而係今仗換上新贊助商 Adidas 為佢準備嘅 Predator 足球鞋之後，就立即射入扳平一球。據悉，Adidas 為阿諾準備嘅呢對紅白配色嘅 Predator 足球鞋係 Adidas 專門為阿諾定制嘅配色，唔會向公眾發售。

不過有睇足球嘅各位都會對呢對充滿復古味嘅 Predator 足球鞋外型同設計有印象，皆因佢就正正係謝拉特係球員時期經常著用嘅鞋款，亦即表示阿諾腳上嘅 Predator 足球鞋，亦都係係當年嘅復刻版。

今場比賽之中，阿諾挺身而出射破曼城大門為利物浦取得扳平嘅一分，而呢位利物浦副隊長兼右閘百步穿楊嘅遠射畫面亦令人回想起前隊長謝拉特，無獨有偶，兩人都同樣著住標誌性嘅 Predator 足球鞋，因此呢對 Predator 足球鞋不論對於阿諾，還是利物浦球迷來講，都有著非凡嘅意義。