HYT嘅玩味又要進入新嘅層次，紅色、藍色、綠色液態顯示之後，佢地用黑色液體增加「魔性」，但大家都明白，光線無辦法穿透黑液，為咗保確隻錶夜晚都能夠清晰地顯示時間，佢地諗咗條橋叫 “deducted” hour。

H1 Full Gold 所用嘅黑色液態係高科技結晶品，唔單止要穩定、不受紫外線影響、仲要其液體特性（膨脹係數、黏稠度）保證唔會痴實導管、或者混和到透明液態。純基礎研究、實驗，就用咗9至12個月完成。終於佢地完成咗理想中嘅深層、穩定黑色液體。

 為咗配合黑液，HTY 整咗個「deducted hour」去顯示時間。照字面意思，夜晚以 H1 Full Gold 睇時間係要用「減法」嘅。品牌首次將整個錶盤導管鍍上一層 Super-LumiNova 夜光物料，當外間嘅光線減弱，導管開始發光，而黑液就會遮掩咗發光嘅部份，閱讀方法就係睇經過同餘下嘅時間。