呢個世界從來就好唔公平，永遠只有女仔嫌男仔唔夠高，好少聽到有男仔會嫌女仔矮，而且有人仲會特別鍾情於生得嬌小嘅女仔，顯得自己更加高大威猛之餘，又可以一手抱起對方。今日介紹嘅「小島瑠璃子」，就係一位生得嬌小，但身材就一啲唔小嘅性感女星。

今年27歲嘅「小島瑠璃子」，喺2009年參加日本著名經紀公司「HORIPRO」選秀活動，從33,910位參賽者脫穎而出勇奪冠軍，其後全力往主持界發展，主持過N個綜藝及體育節目。難得嘅係，就算佢喺影視圈走紅，仍然會間唔時幫雜誌拍下寫真，大晒E Cup身材。

美貌與智慧並重嘅「小島瑠璃子」，上年年頭就打算進軍中國市場，走咗去開微博同學中文。不過喺同年7月，就有日媒踢爆佢同大佢19年嘅《王者天下》漫畫家原泰久祕密拍拖，消息傳出後就冇再更新微博，睇嚟個計劃應該就玩完咗。希望佢拍拖之餘，往後都會繼續拍寫真靚相啦。

資料來源：twitter@ruriko_kojima、instagram@ruriko_kojima